Тивкиот бојкот на врвот, гласно го објавија пратеници на ВМРО-ДПМНЕ


Дваесетина пратеници на ВМРО-ДПМНЕ на социјалните мрежи најавија дека без разлика на исходот од референдумот, нема да гласаат во Собранието за промена на Уставот.

mitskosski-777x437

„Како пратеник немам мандат и овластување, ниту пак лича намера да гласам за било какви измени во Уставот со кои би се променило уставното име на мојата татковина –Република Македонија, стоеше во најголемиот дел од постовите на пратениците на ВМРО-ДПМНЕ. Додека најголемиот број само најавија дека нема да поддржат измени на уставот, имаше и такви пратеници кои објавија дека ќе го бојкотираат референдумот. Меѓу нив беше и поранешниот претседател на Собранието Трајко Вељаноски.

„Совеста не ми дозволува да излезам на референдум кој е длабоко манипулативен“ – напиша Вељаноски на социјалните мрежи.

Серијата постови на пратениците на опозицијата доаѓаа непосредно по изјавата на лидерот Мицкоски во која најави дека ако референдумот биде успешен, неговата партија ќе ја почитува волјата на граѓаните.

Извори од опозицијата за Сител брифираат дека нема поделеност меѓу раководството и пратеничката група. Партискиот потпретседател денеска на прес конференција рече дека последните активности на пратениците на ВМРО-ДПМНЕ на социјалните мрежи се вистинскиот глас на народот и дека тоа е за почит.

Со или без успешен референдум, последната одлука за измените во македонскиот устав треба да ја донесе Собранието. За да го стори тоа на власта и треба двотретинско мнозинство од 81 пратеник. Според сегашните математики, СДСМ и коалицијата со поддршка и на албанските партии во Собранието располагаат со околу 74 гласа.


Skopje ID
[fbcomments]