Легендарниот норвешки фудбалер Оле Гунар Солскер  се враќа на „Олд Трафорд“ и стана вршител на должноста менаџер на Манчестер Јунајтед.

uploadsthumbsresize800x420359682

Оваа вест е откриена на бизарен начин.

Јунајтед вчера поради лошите резултати во  Премиер лигата му врачи отказ на менаџерот  Жозе Мурињо. Потоа започнаа шпекулациите за името на новиот предводник на црвените од Манчестер. Во кулоарите се споменуваше и името на поранешиот член на Јунајтед Солскер. Официјална потврда за ова немаше се до моментот кога на официјалниот сајт на Манчестер Јунајтед не се појави информацијата:

„Солскер стана нашиот „преоден“ менаџер, 20 години откако го постигна тој гол“. Оваа објава брзо беше избришана. Неколку часа подоцна сепак еден од најголемите европски клубови го објави името на својот нов менаџер.

Тој е миленик на навивачите на Манчестер Јунајтед и остана запаметен по победничкиот гол во финалето на Лигата на шампионите во 1999 година во  Барселона, која црвените ѓаволи го победија Баерн Минхен со 2-1, токму за овој гол станувало збор во избришаниот пост.

Солскер во последните секунди од финалето го постигна победничкиот гол . Инаку, легендарниот Норвежанец 11 сезони  мина на во тимот од Олд Трафорд и за тоа време постигна 126 голови на 366 натпревари.

Солскер ќе биде заменета на Мурињо на клупата на Јунајтед, според ББЦ негов прв помошник ќе му биде Мајк Фелан.

Солскер сезонава беше предводник на тимот на Молде.

Наводите дека Солскер седнува на жешката клупа на Јунајтед ги потврди и премиерката на Норвешка Ерна Солдберг која на социјалните мрежи му честитала на легендарниот фудбалер.

„Голем ден за норвешкиот фудбал. Среќно во водењето на „Црвените ѓаволи“ , напишала премиерката Солдберг , но потоа и таа го избришала твитот.