Протест во Индонезија за поддршка на Палестина и против одлуката на Трамп


Пред амбасадата на САД во Џакарта се собраа околу 10 илјади Индонезијци на протестен митинг во знак на поддршка на Палестинците, осудувајќи ја одлуката на американскиот претседател Доналд Трамп да го признае Ерусалим за главен град на Израел.

indonezija-protest

Демонстрантите беа со транспаренти „Амбасада на САД, оди си од Ал Кудс“, „Ослободете ги Ерусалим и Палестинците“, „Ние сме со Палестинците“ и „Палестина во нашите срца“. Ал-Кудс е арапското име за Ерусалим.

Протестот беше организиран од исламистичката Партија на правдата и просперитетот, а денешниот беше втор протест откако Трамп ја објави одлуката во средата.

Претседателот Џоко Виду ја осуди одлуката на Трамп за која што рече дека е прекршување на резолуциите на ОН.

Индонезија, како земја со најголемо муслиманско население во светот, одамна силно ги поддржува Палестинците и нема дипломатски односи со Израел.


Skopje ID
[fbcomments]