Милан и Интер се договорија за уривање на „Сан Сиро“

Милан и Интер се големи градски ривали кои со години играат на ист стадион, а тоа ќе продолжи така и во иднина откако двата клуба постигнаа договор за рушење на „Џузепе Меаца“ и градење на нов стадион кој ќе вреди околу 700 милиони евра.

Стадионот кој беше познат и како „Сан Сиро“ ќе биде урнат и заминува во историјата, а планот е новиот стадион да биде изграден на истата локација, со тоа што може конструкцијата да биде поместена за неколку метри. Модерниот стадион ќе има капацитет од 60 илјади гледачи, а истиот ќе биде нов дом на двата фудбалски великани од Милано кои донесоа конечна одлука стадионот кој датира од 1925 година да замине во историјата.

– Ќе конструираме нов „Сан Сиро“ на местото на стариот. Актуелниот стадион ќе биде урнат и ќе се постават нови конструкции, – изјави Паоло Скарони кој потврди дека во проектот се вклучени и Милан и Интер.ѓ

Со оглед на тоа што станува збор за навистина голем и амбициозен проект, првичните планови се дека стадионот ќе биде изграден до почетокот на сезоната 2022/23.


Skopje ID
[fbcomments]
Translate »