Искршен автомобилот на Ванда Нара

Мауро Икарди во моментов се наоѓа во најтешкиот период во својата фудбалска кариера. Напаѓачот остана без капитенската лента пред неколку дена, а беше исфрлен од тимот за средбата од Европа Лигата против Рапид Виена.

Воден од својата сопруга Ванда Нара, Икарди си ги наруши односите со Интер и навивачите на овој клуб, кои од ден на ден се се погневни на фудбалерот и Ванда.

Икарди веројатно нема да биде во составот ни за натпреварот против неговиот поранешен тим, Сампдорија, а медиумите во Италија веќе јавуваат дека Аргентинецот би можел да се пресели во Јувентус.

Тензиите уште повеќе пораснаа кога непознати сторители го уништиле автомобилот на Ванда Нара фрлајќи камења додека таа патувала недалеку од „Сан Сиро“. Во автомобилот освен Ванда биле и децата на Икарди, но за среќа никој не е повреден од овој немил инцидент.

Едно е јасно, Мауро Икарди ги брои последните месеци и денови како фудбалер на Интер.


Skopje ID
[fbcomments]
Translate »